Mansour ajiunga rasmi CUF
Wanachama wa CUF wakionyesha kuunga mkono uamuzi wa Mansour Yussuf Himid kujiunga rasmi na chama hicho kwenye viwanja vya Paje, Wilaya ya Kusini Unguja. (Picha na Salmin Said, OMKR).
Aliyekuwa Mwakilishi wa jimbo la Kiembesamaki Mhe. Mansour Yussuf Himid,
amejiunga rasmi na chama cha wananchi CUF.
Mhe. Mansour ambaye amewahi kuitumikia Serikali ya Mapinduzi ya Zanzibar kwa kushika nyadhifa mbali mbali ikiwemo ya Waziri wa Kilimo, amechukua uamuzi huo leo kwenye mkutano wa hadhara wa CUF uliofanyika viwanja vya Paje, Wilaya ya Kusini Unguja.
Baada ya kukabidhiwa kadi ya CUF na Katibu Mkuu wa Chama hicho Maalim Seif Sharif Hamad, Mhe. Mansour amesema ameamua kujiunga na CUF baada ya kubaini na kuridhika kuwa chama hicho kimebeba matumaini mapya ya wazanzibari.
Mhe. Mansour ambaye tayari alishateuliwa na chama hicho kuwa mshauri wa mikakati wa Katibu Mkuu wa CUF, amechukua kadi hiyo akiwa miongoni mwa wanachama wapya 108 waliojiunga na CUF kwenye mkutano huo.
Mapema akizungumza kwenye mkutano huo, Katibu Mkuu wa CUF Maalim Seif Sharif Hamad, amempongeza Mhe. Mansour kwa kuamua kujiunga na chama hicho hadharani, na kukiita kitendo hicho kuwa ni cha kijasiri.
Akizungumzia mafanikio ya chama hicho, Maalim Seif amesema kimepata mafanikio makubwa katika mwaka unaomalizika wa 2014, na kutangaza maazimia mapya ya chama hicho kwa mwaka 2015.
Soma zaidi »
Dondoo muhimu za hotuba ya Makamu wa Kwanza wa Rais wa Zanzibar ambaye pia ni Katibu Mkuu wa CUF, Maalim Seif Sharif Hamad, aliyoitoa kwenye mkutano wa hadhara ukiofanyika Paje, Wilaya ya Kusini Unguja tarehe 28 Desemba, 2014:
uona tunautumia vilivyo mwaka wa 2015 na khasa miezi 9 iliobaki kufanikisha kutia nanga kwenye bandari ya mamlaka kamili na kuwapa fundisho la kihistoria madalali wa CCM.
Dondoo muhimu za hotuba ya Makamu wa Kwanza wa Rais wa Zanzibar ambaye pia ni Katibu Mkuu wa CUF, Maalim Seif Sharif Hamad, aliyoitoa kwenye mkutano wa hadhara ukiofanyika Paje, Wilaya ya Kusini Unguja tarehe 28 Desemba, 2014:
- Mkutano wa leo tumeuandaa kuuaga mwaka 2014 na kuukaribisha mwaka mpya 2015.
- Ni furaha na faraja kubwa kwa wananchi wenzetu wa Mkoa wa Kusini Unguja kutukaribisha kuufanya mkutano huu katika Mkoa wenu huu.
- Mwaka 2014 tunaouaga umekuwa mwaka wa mafanikio makubwa kwa CUF kupita miaka mingi iliopita. Mwaka huu umeshuhudia CUF ikiimarika zaidi na kuzidi kukubalika miongoni mwa Wazanzibari kama chama kinachobeba matumaini na maslahi ya Zanzibar na watu wake.
- CUF sasa imejikita kisawasawa katika maeneo yote ya mikoa yote ya Zanzibar. Kitendo cha Mkoa wa Kusini Unguja kutualika kuja kuufunga mwaka huu hapa kinathibitisha kwamba mizizi ya CUF imejichimbia vyema katika maeneo yote ya visiwa vya Unguja na Pemba.
- Leo tumepita ukanda wote huu kuanzia Michamvi Kae, Michamvi Pingwe, Bwejuu, Paje na Jambiani na tumeshuhudia mabadiliko makubwa ya kisiasa.
- Vijana wa Zanzibar mmeamka. Tena mmeamka kote - Unguja na Pemba, Kaskazini na Kusini na Mijini na Mashamba - kote upepo wa mabadiliko unavuma kwa kasi. Nawapongeza vijana nyote wa Zanzibar kwa kukikimbia Chama Cha Mapinduzi na kujiunga na safina ya CUF kuelekea bandari ya mamlaka kamili.
- Kazi yetu moja katika Chama ni k
- CUF tumejipanga - tena tumejipanga vyema - kushinda uchaguzi mkuu na kukamata khatamu za dola 2015.
- Kwa hivyo, leo nalitumia jukwaa hili na kuutumia mkutano huu katika Mkoa wa Kusini Unguja kutangaza Azimio la CUF kwa mwaka 2015.
- Natangaza rasmi Azimio la CUF kwa mwaka 2015 lenye nukta 3 kama ifuatavyo:
1. Kwamba Inshallah wana-CUF tutashinda uchaguzi mkuu wa 2015 kwa njia za amani na za kidemokrasia na kwamba tutakamata khatamu za kuiongoza Serikali ya Umoja wa Kitaifa Zanzibar.
2. Kwamba kwa hali ilivyo sasa, CCM wajiandae kisaikolojia kukabidhi uongozi wa Serikali ya Umoja wa Kitaifa kwa Rais atakayetokana na CUF na wao kuchukua nafasi ya kuwa washirika wadogo katika Serikali hiyo.
3. Kwamba Serikali ya Umoja wa Kitaifa itakayoongozwa na CUF itaijenga Zanzibar Mpya ambayo haitoendeshwa kwa amri za Tanganyika au nchi nyengine yoyote ya kigeni bali itaongozwa na Wazanzibari wote, kwa manufaa ya Wazanzibari wote. Sera zetu zitajikita kwenye uchumi wa soko huria utakaokuwa kwa kasi, kuzalisha ajira kwa wingi kwa vijana wetu na kunyanyua kipato cha kila mwananchi wa Zanzibar ili aishi kama mtu katika nchi na kutekeleza yale yote yaliyombidi kwake na kwa familia yake.
- Tutajenga uchumi wetu na kubadilisha maisha ya wananchi wetu kwa kuitangaza Zanzibar kuwa bandari huru na kuitekeleza sera hiyo. Tutajenga uchumi wetu kwa kuifanya Zanzibar kuwa kituo kikuu cha huduma za kifedha na kibenki katika ukanda wote wa Afrika Mashariki na Kati. Tutajenga uchumi wetu kwa kuchimba mafuta na gesi asilia kupitia sera na sheria nzuri zitakazokuhakikishia maslahi yako Mzanzibari yanalindwa na yanasimamiwa ipasavyo na Serikali yenu inayokuja.
- CUF hatutanii katika haya. Tumejiandaa kuutekeleza wajibu wa kihistoria katika mwaka wa 2015. CCM washalijua hilo na ndiyo maana wameanza kuingiwa kiwewe. Lakini muda wao wa kuondoka umefika na wataondoka tu. Zama mpya za CUF zinakuja miezi 9 kuanzia sasa kuelekea Okto 2015.
- Lakini kazi tuliyoanza tunapaswa kuiendeleza kwa nguvu kubwa zaidi na bila kuchoka. Hatupaswi kupumzika bali tunapaswa kuendelea kuchapa kazi hadi tuwamalize na tuwasafishe kabisa madalali wa CCM.
- Muhimu Wazanzibari tukaze buti na tujizatiti. Ushindi ni wetu; Mamlaka ni yetu 2015.
- Basi leo tuazimie kuianza safari ya 2015 tukiwa na matumaini lakini tusibweteke wala kuridhika. Kila kura tunaitaka. Tuwachape CCM kwa asilimia 70.
- 2015 ni mwaka wa mabadiliko.
- 2015 ni mwaka wa Mamlaka Kamili.
- 2015 ni mwaka wa Zanzibar.
- Songa mbele tuianze safari.
- 2015 ni mwaka wa Mamlaka Kamili.
- 2015 ni mwaka wa Zanzibar.
- Songa mbele tuianze safari.
No comments:
Post a Comment